Historiku i bimës së Paulownias

●  Paulownia u shfaq në Evropë në fillim të viteve 1800, e importuar nga kompania hollandeze e Indisë Orientale. Mori emrin e tanishëm prej gruas fisnike ruse Anna Pavlovna, bija e Carit Pauli i I-rë (1818). Është një pemë madhështore dhe me lule shumë dekorative, me gjethe në formë zemre, me push dhe në fund të pranverës ajo prodhon lule aromatike të bardha ose lejla. Paulownia është druri i quajtur ndryshe me emrin "Pema e Princesësh" ose "Pema e zogut Feniks", dru me përbërje të fortë dhe me rritjen më të shpejtë në botë. Kjo bimë rritet me një shpejtësi marramendëse, duke arritur deri në 5m lartesi për çdo sezon. Janë të njohura të paktën 6 familje të ndryshme të drurit të Paulownias: P.Elongate, P.Fargesii, P.Fortunei, P.Giabrata, P.Taiwaniania, P.Tomentosa.

Firma jonë ka marrë përsipër të prodhojë vetëm familjen Tomentosa të paulownias falë karakteristikave të saj të favorshme për klimën dhe terrenin e Ballkanit dhe konkretisht të territorit te Republikës së Shqipërisë.

Paulownia Tomentosa arrinë të zhvillohet deri në lartësinë 1500 metra mbi nivelin e detit dhe arrin te përballoj temperaturat nga -27 °C e deri në +50°C çka e bënë këtë familje drurësh lehtësisht të përshtatshme ndaj faktorëve atmosferik dhe terrenit të ballkanit dhe konkretisht Republikës së Shqiperisë.